MOT PËRVËLUES NË KOSOVË, REKOMANDOHET SHMANGIA E DIELLIT NGA ORA 09:00-17:00

Instituti Hidrometeorologjik i Kosovës, ka njoftuar se në Kosovë do të vijojë të mbajë mot shumë i nxehtë. Andaj fton qytetarët që të mos i ekspozohen diellit nga ora 09:00 deri në ora 17:00.

“Do të mbajë mot me diell dhe shumë i nxehtë. Kjo situatë meteorologjike vie si pasojë e masave të nxehta të ajrit të ardhura nga pjesa veriore e Afrikës. Indeksi UV do të mbetet shumë i lartë dhe preferohet zbatimi i këshillave të IKSHP, që nga ora 9-17 të mos ekspozohemi rrezeve direkte të diellit. Temperaturat minimale parashihen të lëvizin ndërmjet 16-18 gradë Celsius, ndërsa maksimalet e ditës parashihen të lëvizin ndërmjet 35-37 gradë Celsius. Do të fryjë erë e lehtë deri mesatare nga drejtimi i jugperëndimit”, thuhet në njoftimin e IKSHPK-së./KP