OSMANI PRANOI LETRAT KREDENCIALE TË AMBASADORIT JOREZIDENT TË IRLANDËS, RONAN GARGAN

Presidentja Vjosa Osmani ka pranuar sot letrat kredenciale të ambasadorit jorezident të Irlandës në Prishtinë Ronan Gargan, të cilit i ka uruar mirëseardhje dhe e ka falënderuar për mbështetjen e shtetit të tij ndaj Kosovës.

Osmani ka shfaqur shpresën në mbështetjen e mëtejme të Irlandës në rrugën evropiane të Kosovës, duke llogaritur në përkrahjen e saj edhe në organizata e mekanizma të tjerë ndërkombëtarë.

Të dy bashkëbiseduesit u pajtuan për thellimin e bashkëpunimit në fusha të interesit bilateral, me fokus në sferën e arsimit, por edhe përvojës në procesin e integrimit evropian./KP