VRASJA E 18-VJEÇARES NË FERIZAJ, REAGON FATLUME POPOVCI: ME PIKËLLIM TË THELLË PO SHPREHEM MOJ MBESA IME

Lajmi për vrasjen e një 18-vjeçareje nga Ferizaj, ka nxitur reagime të shumta nga opinioni vendor duke përfshirë edhe emrat e skenës dhe ekranit tonë.

Policia e Kosovës e ka cilësuar si “Vrasje e rëndë”, kurse deri më tani është arrestuar një i dyshuar, kurse i dyshuari i dytë gjendet në arrati.

Të dyshuarit thuhet se kanë keqtrajtuar fizikisht të ndjerën, e cila si pasojë e lëndimeve të marra ka ndërruar jetë.

Një reagim ka ardhur edhe nga këngëtarja Fatlume Popovci, e cila në publikimin e saj në rrjetet sociale të ndjerës i është referuar si mbesë.

“Zoti të pastë çuar në Xhenet, Marigona. Me pikëllim të thellë po shprehem moj mbesa ime, Zoti i dënoftë ata që të lënduan”, ka shkruar këngëtarja në mbishkrimin e fotografisë së postuar në InstaStory. /Telegrafi/